Компаниялар 5G стандарти ва «Автомобиль учун ҳамма нарса» (Vehicle-to-Everything) маълумотлар алмашинув технологияси устида бирга ишлайди.
LG Electronics (LG) компанияси автомобиллар учун қатор янги авлод алоқа технологияларини ишлаб чиқариш мақсадида Qualcomm билан ҳамкорликни бошлагани ҳақида эълон қилди. Шунингдек, улар транспорт воситалари ва автомобиллар ҳамда транспорт инфратузилмасининг бошқа объектлари ўртасида маълумотлар алмашинуви технологиялари учун 5G стандарти устида ишлаш мақсадида Жанубий Кореяда C-V2X (CellularVehicle-to-Everything) қўшма тадқиқот марказини очишни режалаштирмоқда. Бу келгуси авлоднинг мустақил бошқарувли автомобилларидан муваффақиятли фойдаланиш учун зарурдир.
Мобил инновациялар соҳасида тан олинган етакчилар — LG ва Qualcomm икки компаниянинг ўнлаб йиллар давомида тўпланган муваффақиятли тадқиқотлар ва ишланмалари, шу жумладан 5G мобил технологияларига оид билимлари тажрибасини бирлаштиради. Бу тармоққа тўлиқ уланган автомобилларни йўлга қўйишда ҳаётий муҳим аҳамиятга эга. LTE имкониятларини беш карра юқори алоқа тезлиги ва кутиш вақтининг 10 карра камайишига эришувчи 5G стандарт тармоқлари маълумотларни реал вақт режимида зарур бўлган тезликда етказа олади.
3GPP (ThirdGenerationPartnershipProject) консорциуми стандартларига киритилган C-V2X технологияси DSRC (қисқа масофага мўлжалланган махсус алоқа)дан камроқ харажатлар билан мавжуд мобил алоқа тармоқларига нисбатан икки баробар кўпроқ иш давомийлиги билан таъминлайди. Европа ва Осиёнинг баъзи мамлакатларида синовлар ва стандартизация жараёнлари кечмоқда, оммавий йўлга қўйиш эса 2020 йилга мўлжалланган. V2Х-инновациялар соҳасида катта тажрибага эга бўлган LG Electronics компанияси 2013 йилдан буён жадал ўсиб келаётган интеграллашган маълумотларни алмашиш ва қайта ишлаш бозорида етакчи ўринларни эгаллаб келмоқда.
«LG компанияси Qualcomm’нинг LTE’дан то 5G’гача бўлган илғор автомобиллар учун алоқа технологиялари соҳасидаги бой тажрибасини уйғунлаштириш натижасида келгуси авлод автомобиль қурилмаларини ишлаб чиқаришни бошқаришни режалаштирмоқда, — дейди LG компаниясининг «ақлли» автомобиль қурилмалари бўлими вице-президенти Ким Жин Ён. — Ишончимиз комилки, Qualcomm ва LG тадқиқотлар ўтказишда саъй-ҳаракатларни бирлаштириб, ушбу ҳамкорликсиз имкони бўлмаган муваффақиятларга эриша олади».
«Бизнинг LG билан ўтмишдаги узоқ ва сермаҳсул ҳамкорлигимизнинг тўғридан-тўғри давоми бўлган C-V2X технологияларини жорий қилишга доир бу қўшма лойиҳа хавфсиз автоном транспорт воситаларини ишлаб чиқишга оид илғор қарорларни ишлаб чиқиш тамойилларига содиқлигимизни яққол намойиш этади. Автомобиль саноатининг 5G стандарти томон ишончли ҳаракатини инобатга олиб, биз замонамиз ҳайдовчиларининг эҳтиёжларини қониқтириш мақсадида LG компанияси билан янада яқинроқ ҳамкорлик қилиш имкониятларини сабрсизлик билан кутиб қоламиз», — дейди Qualcomm Technologies, Inc. маҳсулотларини бошқариш бўйича вице-президент Накул Дуггал.
Ҳамкорлик LG Electronics’нинг Сеулдаги илмий-тадқиқот парки базасида йўлга қўйилади. Компаниялар яқин орада ҳаморликдаги фаолиятига старт беради.
Реклама ҳуқуқи асосида!
Изоҳ (0)