Amazon раҳбари Жефф Безос АҚШнинг Техас штатида электр токи ишлаб чиқарувчи янги шамол парраклари фермасини очиб берди. Унинг очилиши акс этган видеога TJournal эътибор қаратди.
Компания раҳбари очилишни антиқа тарзда уюштирди. У шамол парракларидан бирининг устига чиқиб, у ерда шиша идишни парракка уриб синдирган. Видеода кўринадики, Безос айланувчи парракларнинг бирикиш жойида турибди ва паррак ердан 300 фут (91,44 метр) баландликда жойлашган.
Янги очилган Amazon Wind Farm Texas’да 100 дан ортиқ шамол парраги жойлашган бўлиб, ABC News’нинг ёзишича, ферма йилига бир миллион мегаватт/соат энергия ишлаб чиқаради. Бу Amazon’нинг 100 фоизлик қайта тикланадиган энергияга эришиш йўлида очилган энг катта шамол фермаси ҳисобланади.
Изоҳ (0)