Каталония минтақавий ҳукумат раҳбари Карлес Пучдемон маҳаллий парламентни тарқатиб юборишдан бош тортди. Бу ҳақда «РБК» хабар бермоқда.
Референдумда минтақа аҳолисининг кўпчилиги мустақилликни ёқлаб овоз берган эди. Мустақиллик ҳақидаги ҳужжат минтақа парламенти томонидан қабул қилиниши лозим. Шу боис федерал ҳукумат ушбу тузилмани тарқатиб юбормоқчи.
26 октябрь куни парламентда қилган чиқишида Пучдемон охирги соатга қадар навбатдан ташқари сайлов чақирилишини кутганини таъкидлади.
«Кафолат кутган эдим, аммо Халқ партияси ҳукуматидан тузук жавоб эшитмадим», — деди у.
Шунингдек, женералитат (ҳукумат) президенти парламентарийларни Мадриднинг конституция 155-моддасини фаоллаштириш мақсадига жавоб беришга чақирди.
Ушбу модда федерал ҳукуматга минтақа парламентини тарқатиб юбориб, қайта сайлов ўтказиш ҳуқуқини беради.
Изоҳ (0)