Индонезияда фейерверклар ишлаб чиқаришга ихтисослашган заводда портлаш юз берди. «Корреспондент.net» хабарига кўра, ҳодиса оқибатида 47 киши ҳалок бўлган, бир неча ўнлаб одам тан жароҳати олган.
Портлаш пойтахт Жакартадан ғарб томонда жойлашган Тангеранга ҳудудидаги фейерверклар заводида юз берган. Полиция ҳодиса юзасидан суриштирув ишларини бошлаб юборган.
Ҳодиса гувоҳларининг сўзларига кўра, дастлабки кучли портлаш маҳаллий вақт билан 10:00 да қайд этилган, сўнг бир неча майда портлашлар юз берган.
Қайд этишларича, завод ишга тушганига энди икки ой бўлган эди. У ерда 100 га яқин одам меҳнат қилаётган бўлган. Портлаш оқибатида яқин атрофдаги уйларга ҳам зарар етган.
Изоҳ (0)