Владимир Путиннинг «яқин доираси» 24 миллиард долларни назорат қилмоқда. Бу ҳақда Коррупция ва уюшган жиноятчиликни тадқиқ этиш маркази (OCCRP) маълумотларига таяниб, «Эхо Москви» хабар берди.
«Россия президентининг оила аъзолари, эски дўстлари ва оила аъзосига айланган дўстлари умумий миқдори мамлакатнинг йиллик бюджетини ўндан бир қисмини ташкил этадиган активларга эга», — дейилади марказ материалларида.
«Яқин доира»га кирувчи инсонларнинг исми маълум, улар Юрий Ковалчук, Геннадий Тимченко, шунингдек, ака-ука Роттенберглар.
Суриштирувнинг алоҳида қисми Путиннинг «ҳамёнлари» вазифасини бажарувчи инсонларга бағишланган: улар орасида виолончелчи Сергей Ролдугин, шунингдек, улкан қийматга эга компанияларнинг активларини назорат қилувчи Михаил Шеломов ва Пётр Колбин бор.
Путиннинг ўзи бир неча бор декларацияда кўрсатилмаган активларга эга эмаслигини таъкидлаган. Яқинда Оливер Стоунга берган интервьюсида Путин: «Тобутда ҳамёнлар йўқ», деган эди.
Изоҳ (0)