Наманганнинг «Навбаҳор» клуби футболчиси Ойбек Қиличев ЎФФ томонидан 1 йилга футболдан четлатилди. Бу ҳақда ташкилот матбуот хизмати Интизом Қўмитаси ҳамда Ижроия Қўмитаси Бюроси қарорига асосланиб, маълумот берди.
«Навбаҳор» футболчиси Ойбек Қиличев рақибини тирсаги билан уриб йиқитди, кейин эса аламидан уни тепди (видео)
Сабаби, «Навбаҳор» футболчиси шу йилнинг 12 апрелида ва 24 майида ҳам зўравонлиги учун интизомий чораларга дучор этилганди. Жумладан, у Олий Лиганинг «Бухоро»га қарши сафарда бўлиб ўтган ўйинида рақиб футболчиси Эргаш Исмоиловнинг юзига ургани учун майдондан четлатилганди. Охир-оқибат ЎФФ унга 1 йиллик жазони лойиқ кўрди. Қўшимчасига, Қиличевнинг бўйнига 10 миллионлик жарима «илиб қўйилди». Жарима қанча муддат ичида тўланишига ойдинлик киритилмаган.«Навбаҳор» аъзоси Ойбек Қиличев рақибини уриб, ёзгача «таътилга чиқди» ва баҳонада уйланиб олди
Ойбек Қиличев Ўзбекистон бокс термаси мураббийи Тўлқин Қиличевнинг укаси ҳисобланади. Шу йилнинг май ойида Ойбек бокс бўйича Ўзбекистон терма жамоасининг энг оғир вазнли спортчиси Баҳодир Жалоловнинг синглисига уйланганди.
Изоҳ (0)