O‘FF “yil zo‘ravoni” sifatida tanilayotgan Oybek Qilichevni 1 yilga futboldan chetlatdi

Namanganning “Navbahor” klubi futbolchisi Oybek Qilichev O‘FF tomonidan 1 yilga futboldan chetlatildi. Bu haqda tashkilot matbuot xizmati Intizom Qo‘mitasi hamda Ijroiya Qo‘mitasi Byurosi qaroriga asoslanib, ma’lumot berdi.

Oybek Qilichev O‘zbekiston Oliy Ligasining 25-turidan joy olgan “Qo‘qon—1912”ga qarshi bellashuvda raqibini tirsagi bilan urib yiqitgani uchun maydondan chetlatilgan, keyin esa alamiga chiday olmay, yotgan raqibini tepib, maydondan chiqib ketgandi. Uning shu harakatlariyoq jiddiy jazoga sabab bo‘lishi kutilayotgandi. Ammo O‘FF bunda Qilichevning bungacha qilgan humacha qiliqlarini ham unutmaslikni lozim deb topdi.

“Navbahor” futbolchisi Oybek Qilichev raqibini tirsagi bilan urib yiqitdi, keyin esa alamidan uni tepdi (video)

Sababi, “Navbahor” futbolchisi shu yilning 12-aprelida va 24-mayida ham zo‘ravonligi uchun intizomiy choralarga duchor etilgandi. Jumladan, u Oliy Liganing “Buxoro”ga qarshi safarda bo‘lib o‘tgan o‘yinida raqib futbolchisi Ergash Ismoilovning yuziga urgani uchun maydondan chetlatilgandi. Oxir-oqibat O‘FF unga 1 yillik jazoni loyiq ko‘rdi. Qo‘shimchasiga, Qilichevning bo‘yniga 10 millionlik jarima “ilib qo‘yildi”. Jarima qancha muddat ichida to‘lanishiga oydinlik kiritilmagan.

“Navbahor” a’zosi Oybek Qilichev raqibini urib, yozgacha “ta’tilga chiqdi” va bahonada uylanib oldi

Bokschi Bahodir Jalolovning singlisiga uylangan Oybek Qilichev “Navbahor”da eng yaxshi bo‘ldi