Осиё Чемпионатининг саралаш турнирига тайёргарлик кўраётган Александр Мочинов бошқарувидаги Ўзбекистон ёшлар термаси Тошкентдаги ўртоқлик ўйинида БАА ёшларини таслим қилди — 1:0.
Ўйиндаги ягона гол 63-дақиқага келиб Ислом Кенжабоев амалга оширган пенальтидан сўнг урилди. Бунгача Амирлик ёшлари 1 марта пенальтидан аниқ фойдалана олмаган бўлса, ўтказиб юборилган голдан аввал майдонда бир киши кам қолишга мажбур бўлганди.
25 октябрь куни томонлар «Бунёдкор» стадионида такрорий ўйинда майдонга тушади. Беллашувга кириш мухлислар учун бепул бўлади.
Ўртоқлик ўйини «Бунёдкор» стадиони 23 октябрь, душанба
Ўзбекистон U19 — БАА U19 1:0
Гол: Ислом Кенжабоев, 63-пен (1:0).Четлатиш: Мажид Султон, 62 (Б).Ноаниқ пенальти: Ҳалфан Ан-Ноби, 45 (Б).Айни пайтда Ўзбекистон ва БАА ёшлари Осиё Чемпионатининг саралаш турнирига бўлган тайёргарликнинг сўнгги босқичида турибди. Боиси саралаш ўйинлари 30 октябрь куни старт олади. Бунгача ўзбекистонлик футболчилар мамлакат футболи етакчиси Қатарда бўлиб турган бир вақтда Доҳага бориб, Қатар ёшлари дарвозасига 4 та гол уришнинг уддасидан чиқа олганди.
ЎФФ президенти Қатарда вақти Ўзбекистон термаси Қатар ёшларига 4 та гол урди
Ўзбекистон саралашни Тожикистонда ўтказади ва мезбонлардан ташқари, Шри-Ланка, Бангладеш, Малдив ороллари термалари билан куч синашади. Амирлик ёшларининг Тошкентга келиши ҳам бежиз эмас. Чунки улар саралашни Қирғизистонда, мезбонлардан ташқари, Баҳрайн, Уммон ва Непалга қарши ўтказади.
Изоҳ (0)