Пластик идишлар саратонни келтириб чиқариши мумкин

Инсон саломатлигига салбий таъсир кўрсатиши мумкин бўлган кўплаб омиллар мавжуд, деб ёзади 7MedNews.

Саломатликка салбий таъсир кўрсатадиган омиллардан бири пластик идишлар ҳисобланади. Олимларнинг фикрича, пластик идишлар инсонда онкологик касалликларни келтириб чиқаради.

АҚШлик мутахассислар бу борада тадқиқотлар олиб борди. Илмий тадқиқотлар натижасида олинган маълумотларга кўра, пластик идишларга сув солинганида ёки у иситилганда ундан инсон саломатлигига салбий таъсир кўрсатувчи кўплаб элементлар ажралиб чиқади.

Олимларнинг фикрига кўра, саломатликка нафақат пластик идишлар, балки пласти ром, мебелнинг пластикдан ишланган қисмлари ҳам салбий таъсир кўрсатади.

Гап шундаки, пластик буюмлар таркибида инсон саломатлигига зарар етказувчи зарралар мавжуд. Пластик идишдаги таом микротўлқинли печда иситилганида унинг таркибидаги зарарли моддалар инсон организмига ўрнашиб олишга қодир бўлади. Шу тарзда инсонда онкологик касалликлар ривожланади.

Олимлар пластик идишлардан бир мартадан ортиқ фойдаланмасликни тавсия этмоқда. Бундай турдаги идишлардан фойдаланиб, микротўлқинли печда овқат иситмаслик мақсадга мувофиқ.