Антарктида ҳудудида Шимолий Америкадаги Юқори кўл ёки Американинг Мэн штати (90 минг квадрат километр атрофида) катталигича келадиган тешик пайдо бўлди. Бу ҳақда Motherboard нашрига таяниб, «РИА Новости» хабар берди.
Торонто университетининг физика атмосфераси мутахассиси, профессор Кент Мурнинг сўзларига кўра, у худди «музни атайлаб тешгандек» кўринишга эга.
Одатда бу турдаги тешиклар Антарктиданинг соҳилбўйларида ҳосил бўлади, бироқ ушбу ҳолатда у «номаълум жараёнларга кўра» музлик четидан юзлаб километр нарида пайдо бўлган.
«Агарда сунъий йўлдошимиз бўлмаганида, биз унинг мавжудлигини билмаган бўлардик», — дея таъкидлайди Мур.
Профессорнинг қўшимча қилишича, 1970 йиллар тахминан ушбу жойда, Уэдделла денгизи атрофида шу турдаги тешик пайдо бўлган. Бироқ техник воситаларнинг йўқлиги сабаб олимлар уни яхши ўргана олмаган. Экспертларнинг сўзларига қараганда «у яна қайтган».
Мур ва унинг ҳамкасблари сунъий йўлдошлар ҳамда сув остида тадқиқот ўтказишга мўлжалланган роботлар ёрдамида 1970 йилда пайдо бўлган масаланинг ечимини топиш ниятида: олимнинг такидлашича, ҳозирда уларда анчагина маълумот мавжуд.
Изоҳ (0)