Шотландия болаларни ҳимоя қилиш ташкилотлари «Яшиллар» партияси депутати Жон Финнининг болаларни жисмоний жазолашни ман этиш ташаббусини олқишлади. Маҳаллий парламент 19 октябрь, пайшанба куни мазкур ғояни қўллаб-қувватлади, дея хабар беради «РИА Новости».
«Шотландия ҳукуматининг Жон Финни тайёрлаган қонун лойиҳасини ҳаётга татбиқ этиш қарорини олқишлаймиз. Ҳукуматнинг болаларни зўравонликдан ҳимоя қилишни қонун йўли билан мустаҳкамлаш борасидаги қатъиятидан мамнунмиз», — дейилади Шотландия болаларни ҳимоя қилиш ташкилотларининг қўшма баёнотида.
Жон Финни қонун лойиҳасига изоҳларда болаларни жисмоний жазолаш ҳозирда дунёнинг 52 мамлакатида қонунга зид ҳисобланиши, буни 1979 йилда Швеция бошлаб берганлигини эслатиб ўтади.
Изоҳ (0)