ИШИДга қарши кураш Суриядаги Раққа шаҳри озод қилингани билан тугамайди. Бу ҳақда Франция президенти Эммануэль Макрон маълум қилди, дея хабар беради «РИА Новости».
«Раққа қўлга киритилиши билан ИШИДга қарши кураш якунлаймайди. Франция ҳарбий ҳаракатларни қанча керак бўлса, шунча давом эттиради», — дейилади Елисей саройи коммюникесида.
Франция етакчисига кўра, «барқарорлаштириш ва тиклаш ишлари ҳарбий кампаниядан кам аҳамиятга эга эмас».
«Сурия ниҳоят фуқаролар урушига барҳам бериш йўлини топиши лозим. Муҳокама этилаётган сиёсий ўтиш масаласи ҳозир ҳар қачонгидан кўра муҳим», — таъкидлади Макрон.
Эслатиб ўтамиз, «Сурия демократик кучлари» қуролли отрядлари 20 октябрь куни Раққа шаҳри ИШИД террорчиларидан тўлиқ тозалангани ҳақида баёнот берди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)