Афғонистон пойтахти Кобул шаҳридаги, шунингдек, мамлакат марказий қисмида жойлашган Ғувр вилоятидаги шиалар масжидида содир бўлган портлашлар оқибатида камида 72 киши ҳалок бўлди. Бу ҳақда Reuters’га таяниб, «Коммерсантъ» хабар берди.
Кобул шаҳрининг ғарбий қисмидаги Имом Замон масжидида ҳужум жума намози вақтида содир этилган. Сўнгги маълумотларига кўра, камида 39 киши ҳалок бўлган.
Ғувр вилоятидаги портлаш қурбонлари сони эса 33 кишини ташкил этмоқда.
Кобулда содир этилган ҳужум юзасидан масъулиятни ИШИД террорчилик ташкилоти ўз зиммасига олди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)