Мюнхенда номаълум шахс пичоқ орқали бир неча кишига жароҳат етказди. Бу ҳақда Бавария полицияси ўзининг Twitter’даги саҳифасида маълум қилди, деб хабар берди «РБК».
Хабарда таъкидланишича, нохуш ҳодиса Розенхаймер майдонида содир бўлган. Полиция ҳужум уюштирган шахсни қидирмоқда. У нима сабабдан буни амалга оширгани ҳозирча номаълум.
Немис ҳуқуқ-тартибот идораларининг маълум қилишларича, гумонланувчининг ёши 40 лар атрофида. У кулранг шим, яшил куртка, елкасида ухлаш учун тўшак солинган рюкзак бўлган ва қора велосипедда ҳаракатланган.
Шунингдек, полиция аҳолига ҳужум содир бўлган жойни четлаб ўтишни, иложи бўлса уйдан чиқмасликни ҳамда ҳодиса юзасидан тасдиқланмаган маълумотларни тарқатмасликни маслаҳат бермоқда.
Bild нашрининг хабар беришича, ҳужум оқибатида тўрт киши жароҳат олган. Номаълум шахс ўз ҳужумларини майдонинг турли қисмларида амалга оширган. Мюнхеннинг воқеа содир бўлган ҳудуди полития томонидан назорат қилинмоқда.
Жароҳат олганларнинг ҳаётига ҳеч нима хавф солмаяпти.
Шаҳар ёнғин хавфсизлиги хизматининг Twitter’даги саҳифасида маълум қилинишича, пичоқ билан қилинган ҳужум натижасида умумий миқдорда беш киши жароҳат олган.
Изоҳ (0)