20 октябрь, жума куни Миср ғарбида террорчилар билан юз берган қуролли тўқнашувлар оқибатида 58 нафар ИИВ ҳамда мамлакат Миллий хавфсизлиги бошқармасининг махсус кучлари ҳалок бўлди. Бу ҳақда Masrawy янгиликлар порталига таяниб, «ТАСС» хабар берди.
«Ҳалок бўлганлар орасида 23 нафар офицер (етти нафар миллий хавфсизлик ва 16 нафар махсус кучлар ходими) ҳамда 35 нафар ҳарбий аскар бўлган», — дея нашр ҳуқуқ-тартибот органларидаги манбасининг маълумотларини келтиради.
Ҳукумат кучлари Қоҳира — Ал-Ваҳат трассаси яқинида жангарилар гуруҳи мавжудлиги ҳақидаги хабар асосида зирҳли машиналар билан ўша жойга йўл олган. Улар экстремистлар тузоғига тушган ва гранатомётлар ҳамда ўқотар қуроллар томонидан ўққа тутилган. Айрим маълумотларга кўра, иккита зирҳли машина йўқ қилинган, унинг ичидаги ҳарбийлар ҳам ҳалок бўлган.
Ҳужумдан кейин жанг майдонига муҳим кучлар юборилди. Авиация ҳавога кўтарилган. Ҳужум уюштирганлар таъқиб қилинмоқда.
Изоҳ (0)