АҚШнинг 35-президенти Жон Кеннедининг ўлдирилишига боғлиқ ҳужжатлар қонунга муфовиқ 2017 йилнинг 26 октябрь куни ошкор этилиши керак. Бироқ Дональд Трамп маъмурияти бунга тўсқинлик қилмоқда. Бу ҳақда Politico’га таяниб, «РБК» хабар берди.
Ушбу ҳужжатлар ошкор этилишини 25 йилга тақиқлаш қонуни Конгресс томонидан 1992 йилда, катта Жорж Бушнинг президентлик даврида қабул қилинган.
Ўша вақтда махсус комиссия ҳужжатларни алоҳида архивларга тўплаб, миллий хавфсизлик сабабли уларни яна 25 йил махфий сақлашни таклиф этган.
Шунингдек, ушбу архивдан комиссиянинг 1990 йиллардаги ишига боғлиқ бошқа юзлаб варақ ҳужжатлар ҳам ўрин олган. Нашрнинг хабар беришича, Оқ уй ушбу маълумотларини ҳам миллий хавфсизликка таҳдид солади, дея ҳисобламоқда.
Жон Кеннеди 1963 йилнинг 22 ноябрида Далласга (Техас штати) уюштирган сафари вақтида снайпер ўқидан жароҳатланган ва шу куннинг ўзида вафот этган эди. Махсус комиссиянинг хулосасига кўра, Кеннеди Ли Харви Освальд исмли шахснинг қурбонига айланган. Освальд Кеннедининг вафотидан икки кун ўтгач ўлдирилгани сабаб, унинг устида суд ўтказилмаган.
Изоҳ (0)