IShIDga qarshi kurash Suriyadagi Raqqa shahri ozod qilingani bilan tugamaydi. Bu haqda Fransiya prezidenti Emmanuel Makron ma’lum qildi, deya xabar beradi “RIA Novosti”.
“Raqqa qo‘lga kiritilishi bilan IShIDga qarshi kurash yakunlaymaydi. Fransiya harbiy harakatlarni qancha kerak bo‘lsa, shuncha davom ettiradi”, — deyiladi Yelisey saroyi kommyunikesida.
Fransiya yetakchisiga ko‘ra, “barqarorlashtirish va tiklash ishlari harbiy kampaniyadan kam ahamiyatga ega emas”.
“Suriya nihoyat fuqarolar urushiga barham berish yo‘lini topishi lozim. Muhokama etilayotgan siyosiy o‘tish masalasi hozir har qachongidan ko‘ra muhim”, — ta’kidladi Makron.
Eslatib o‘tamiz, “Suriya demokratik kuchlari” qurolli otryadlari 20-oktabr kuni Raqqa shahri IShID terrorchilaridan to‘liq tozalangani haqida bayonot berdi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)