Эрон ташқи ишлар вазирининг ўринбосари Аббос Арагчи Москвада ядро қуролини тарқатмаслик масалалари бўйича бўлиб ўтган конференцияда сўзлаган нутқида, Теҳроннинг Қўшма тадбирлар режасини амалга ошириш борасидаги позициясини тақдим этди, деб хабар берди «Коммерсантъ».
«Эрон ҳар қандай шароитда ҳам ҳеч қачон ядровий қуролни ишлаб чиқармайди, сотиб олмайди ва сотиб олишга ҳаракат ҳам қилмайди. Бу Эроннинг Қўшма кенг қамровли ҳаракатлар режаси доирасида қабул қилган мажбурияти», — дея унинг сўзларидан парча келтиради «РИА Новости».
Дипломатнинг сўзларига кўра, ҳужжатда белгиланган чекловлар муддати тугагандан сўнг, Эрон ядровий бомба ишлаб чиқаришга киришмайди, балки ядровий қуролларни тарқатмаслик битимининг нормал аъзосига айланади.
Эслатиб ўтамиз, АҚШ президенти Донлад Трампнинг Эрон масаласи бўйича эълон қилган янги стратегияси ядровий битим аъзоларини иккига бўлинишга мажбур қилганди.
Изоҳ (0)