Дубай шаҳридаги олтита полиция станциялари олдига «ақлли» ўриндиқлар ўрнатилди. Бу ҳақда UAE Inside хабар бермоқда.
Эндиликда полиция станциясига ташриф буюрувчилар ва ўткинчилар мазкур ўриндиқлар ёрдамида ўз мобил алоқа воситаларини қувватлантириши ҳамда юқори тезликдаги бепул интернетдан фойдаланиши мумкин.
Маълумотларга кўра, келгусида бундай «ақлли» ўриндиқлар шаҳардаги бошқа полиция станциялари олдига ҳам ўрнатилади.
Ўриндиқларнинг ўзига хослиги шундаки, улар ташқи таъсирга чидамли материалдан ишланган. Улар қуёш энергиясидан қувват олади, ҳеч қандай кабель ва симлар талаб этилмайди.
Изоҳ (0)