Ўзбекистонлик чарм қўлқоп устаси Қудратилло Абдуқаҳҳоров 18 ноябрь куни Лас-Вегасда ҳисоб бўйича ўзининг 13-жангини ўтказади. Бу ҳақда «Оламспорт» нашри хабар берди.
Жангда ўзбекистонлик боксчига ким рақиб бўлиши ва унинг неча раунддан иборат экани яқин кунларда ошкор этилади. Абдуқаҳҳоровнинг айтишича, унда чемпионлик камари учун фақатгина 1 та жанг қолган. Бу йўлда спортчи АҚШдаги илк жангида зафар қучиши керак бўлади.
Қудратилло Абдуқаҳҳоров ҳозирга қадар профессионал рингда 12 та жанг ўтказган бўлиб, уларнинг барчасида рақибларини мағлуб этган. 8 та жангида нокаут билан зафар қучган.
Изоҳ (0)