O‘zbekistonlik charm qo‘lqop ustasi Qudratillo Abduqahhorov 18-noyabr kuni Las-Vegasda hisob bo‘yicha o‘zining 13-jangini o‘tkazadi. Bu haqda “Olamsport” nashri xabar berdi.
Jangda o‘zbekistonlik bokschiga kim raqib bo‘lishi va uning necha raunddan iborat ekani yaqin kunlarda oshkor etiladi. Abduqahhorovning aytishicha, unda chempionlik kamari uchun faqatgina 1 ta jang qolgan. Bu yo‘lda sportchi AQShdagi ilk jangida zafar quchishi kerak bo‘ladi.
Qudratillo Abduqahhorov hozirga qadar professional ringda 12 ta jang o‘tkazgan bo‘lib, ularning barchasida raqiblarini mag‘lub etgan. 8 ta jangida nokaut bilan zafar quchgan.
Izoh (0)