АҚШнинг Миссисипи штатида истиқомат қилувчи афро-америкалик ҳуқуқшунос Карлос Мур АҚШ Олий судига мазкур штат байроғини конституцияга зид деб топиш тўғрисида мурожаат йўллади. Бу ҳақда «ТАСС» хабар бермоқда.
У байроқда қулдорликка асосланган Жанубий штатлар конфедерацияси тимсоли — 13 та оқ юлдуздан иборат кўк хоч сақланиб қолганига эътибор қаратди.
Штат судлари Мур байроқ мавжудлиги унга зарар етказаётганлигини исботлай олмагани сабабли шу пайтгача икки бор юристнинг даъвосини рад этганди. Олий судга штат губернатори Фил Брайнт номидан тақдим этган ҳужжатларда Мур байроқдаги конфедерация рамзи билан ирқий камситиш ўртасида боғлиқликни кўрсатиб беролмагани таъкидланган.
Маълумот учун, 1894 йилдан бери мавжуд бўлган штат байроғини ўзгартириш масаласи 2001 йилда Миссисипида референдумга қўйилган ва ўшанда штат аҳолисини уни сақлаб қолиш учун овоз берганди.
Изоҳ (0)