Халқ депутатлари Янгиқўрғон туман кенгашининг навбатдан ташқари сессияси бўлиб ўтди. Бу ҳақда «Дарё»га Янгиқўрғон туман ҳокимлиги ахборот хизмати маълум қилди.
Йиғилишда ташкилий масала кўрилди. Туман ҳокими бўлиб ишлаб келган Муҳаммадзокир Маматхонов ўз аризасига мувофиқ вазифасидан озод этилди.
Наманган вилояти ҳокимлиги қишлоқ ва сув хўжалиги масалалари котибияти мудири бўлиб ишлаб келган Асадулла Нажмиддинов Янгиқўрғон тумани ҳокими этиб тайинланди.
Асадулла Нажмиддинов 1977 йилда Янгиқўрғон туманида туғилган. Наманган саноат-технология институти ва Тошкент юридик институтини тамомлаган. Вилоят ҳокимлиги котибият мудирлигига қадар вилоят молия бошқармасида турли лавозимларда меҳнат қилган.
Сессияда Ўзбекистон Президентининг Давлат маслаҳатчиси Турсинхон Худайбергенов иштирок этди.
Изоҳ (0)