АҚШнинг Висконсин штатида яшовчи 59 ёшли Стивен Пирус россиялик аёлга уйланиш учун хотинини ўлдириб, ўз уйини портлатиб юборди, деб ёзади «РИА Новости».
Жиноят август ойида Мадисон шаҳрида содир этилган. Тергов версиясига кўра, эркак хотинини отиб ташлаган, сўнг ертўлада газни очиб қўйган ва ўзининг изларини йўқотиш учун уйни портлатиб юборган. Полиция жасадни топгач, аёл зўрлик билан ўлдирилганини аниқлади, шундан сўнг Пирус ҳибсга олиниб, қотилликда, ўт қўйишда ва хавфли хатти-ҳаракатларда айбланди. Сўроқ чоғида эркак хотини депрессиядан азоб чеккани туфайли ўзи уни ўлдиришни сўраганини айтди.
Тинтув ва Пируснинг ёзишмаларини ўрганиш чоғида полициячилар россиялик Ольга исмли қизнинг суратларини, шунингдек, улар қизнинг АҚШга кўчиб ўтиши ва бўлғуси тўй ҳақида ёзишган хатларни топган. Таъкидланишича, Ольга Висконсинга икки йил аввал келган ва Пирус билан ўша вақтда танишган бўлиши мумкин. Виза билан боғлиқ муаммолар туфайли қиз қайтиб кела олмаган.
Пируснинг иши бўйича навбатдаги суд мажлиси 1 ноябрда бўлиб ўтади.
Изоҳ (0)