ЮНЕСКО Ижроия кенгашига аъзо 58 мамлакат франциялик Одри Азулени ташкилот бош директорлигига тайинлади, у ушбу лавозимда Ирина Бокова ўрнини эгаллади. Бу ҳақда ЮНЕСКО расмий сайти хабар берди.
Номзод тасдиқлаш учун Бош конференцияда тақдим этилади, у икки йилда бир марта, 10 ноябрь куни ташкилотга аъзо бўлган 195 мамлакатнинг барчаси иштирокида ташкил қилинади.
9 октябрь куни бошланган овоз беришнинг бешта босқичидан кейин Ижроия кенгаши раиси, элчи Майкл Ворбс (Германия) овоз бериш натижаларини эълон қилди ва Одри Азулени табриклади.
1972 йилда туғилган Азуле 2016 йил февралидан 2017 йил майигача Франция маданият вазири бўлиб ишлаган.
Изоҳ (0)