Эрон Ироқ Курдистони билан чегара ёпилганини инкор этди

Эрон ташқи ишлар вазирлиги Ироқ Курдистони билан чегара ёпилганини инкор этди. Бу ҳақда «РБК» хабар бермоқда.

Чегара ёпилгани ҳақида 15 октябрь, якшанба куни «ал-Майадин» телеканали маълум қилганди.

«Биз Ироқ ҳукумати илтимосига кўра курд автономияси билан ҳаво чегарасини ёпдик. Бу минтақада бошқа ҳеч нарса рўй бергани йўқ», — деди Эрон ТИВ вакили.

Ўз навбатида, Shafaq News портали Сулаймония шаҳри савдо-саноат палатасига таяниб, Эрон чегараси ёпиқ эканлигини маълум қилди. Шу билан бирга, курд расмийлари вакиллари Теҳрон билан алоқада эканлиги билдирилмоқда.