YuNESKO Ijroiya kengashiga a’zo 58 mamlakat fransiyalik Odri Azuleni tashkilot bosh direktorligiga tayinladi, u ushbu lavozimda Irina Bokova o‘rnini egalladi. Bu haqda YuNESKO rasmiy sayti xabar berdi.
Nomzod tasdiqlash uchun Bosh konferensiyada taqdim etiladi, u ikki yilda bir marta, 10-noyabr kuni tashkilotga a’zo bo‘lgan 195 mamlakatning barchasi ishtirokida tashkil qilinadi.
9-oktabr kuni boshlangan ovoz berishning beshta bosqichidan keyin Ijroiya kengashi raisi, elchi Maykl Vorbs (Germaniya) ovoz berish natijalarini e’lon qildi va Odri Azuleni tabrikladi.
1972-yilda tug‘ilgan Azule 2016-yil fevralidan 2017-yil mayigacha Fransiya madaniyat vaziri bo‘lib ishlagan.
Izoh (0)