Ўзбекистон Президенти Шавкат Мирзиёев Сўранбай Жеенбековни олий давлат лавозими – Қирғизистон президенти этиб сайлангани муносабати билан табриклади. Бу ҳақда Ўзбекистон Президенти матбуот хизмати маълум қилди.
Сизнинг ғалабангиз — Қирғизистоннинг биродар халқи мамлакатингиздаги чуқур тизимли ислоҳотлар ва ўзгаришларни давом эттиришга, аҳоли фаровонлигини янада оширишга, жамиятда тинчлик, барқарорлик ва ҳамжиҳатликни таъминлашга, шунингдек, халқаро майдонда мамлакатнинг обрў-эътиборини мустаҳкамлашга қаратилган режа ва дастурларингизни кенг қўллаб-қувватлаётганидан далолатдир.Табрик мактубида Ўзбекистон томони ўзаро манфаатли икки томонлама ҳамкорликни ривожлантиришга катта эътибор қаратиши ва икки мамлакат халқлари манфаати учун кўп қиррали шерикликни мустаҳкамлаш учун барча зарур чоралар кўришга тайёр эканлиги таъкидланган.Шавкат Мирзиёев, Ўзбекистон Президенти
Ишончим комилки, сўнгги йил давомида эришилган ижобий сиёсий мулоқотнинг юксак даражаси ва томонларнинг мавжуд масалаларни ўзаро ҳурмат ва умумий манфаатларни ҳисобга олган ҳолда ҳал қилишга тарафдорлиги янада ривожланади.Шавкат Мирзиёев Сўранбай Жеенбековга мустаҳкам соғлик ва масъулиятли давлат лавозимида ютуқлар, Қирғизистон халқига эса тинчлик, хотиржамлик ва фаровонлик тилади.Шавкат Мирзиёев, Ўзбекистон Президенти
Изоҳ (0)