11 октябрь куни Ўзбекистон хотин-қизлар қўмитаси ташаббуси билан қизларни билим олишга бўлган қизиқишларини ошириш, узлуксиз таълимнинг мазмун-моҳиятини тушунтириш ва касб-ҳунарга йўналтириш мақсадида Тошкент давлат иқтисодиёт университетида «Халқаро қизлар куни»га бағишланган I Республика қизлар фестивали ўтказилди. Бу ҳақда қўмита матбуот хизмати хабар бермоқда.
Фестивалда 500 га яқин 14—30 ёшли қизлар иштирок этди. Унда иқтидорли қизлар томонидан яратилган турли ижод намуналарининг кўргазмаси ташкил этилди.
Фестивалда турли ташкилот вакилларининг қизлар тарбияси, жамиятда тутган ўрни ва уларга яратилган шарт-шароитлар тўғрисидаги маъруза-тақдимотлари намойиш этилди. Шунингдек, ёш иқтидор эгаларининг турли маданий-бадиий чиқишлари халқимизнинг севимли санъаткорлари ижросидаги куй-қўшиқлар билан уйғунлашиб кетди.
Фестиваль Республиканинг барча ҳудудларида бўлиб ўтди.
Изоҳ (0)