Тинчлик бўйича 2017 йилги Нобель мукофоти ядро қуролини тақиқлаш бўйича халқаро кампания (ICAN)га «ядровий қуролдан фойдаланишнинг ҳалокатли гуманитар оқибатларига эътибор қаратиш бўйича ишлари» учун топширилди, деб хабар берди Meduza.
Нобель қўмитасининг таъкидлашича, ҳаракат «бундай қуролларни тақиқлаш тўғрисидаги битимни имзолашга муваффақ бўлган».
Ядровий қуролни тақиқлаш битими 2017 йилнинг 7 июлида БМТнинг Нью-Йоркдаги штаб-квартирасида қабул қилинган. Ўшанда бери унга 53 та давлат имзо чекди. Ядровий қуроли бор бирорта давлат ушбу битимни имзоламаган.
Пресс-релизда қайд этилишича, АҚШ, Россия, Буюк Британия, Франция ва Хитой ўзларининг ядровий қуроллари захираларини босқичма босқич қисқартиришга розилик берган.
Мавзуга доир: Адабиёт бўйича Нобель мукофотини Кадзуо Исигуро олди
Изоҳ (0)