Япониянинг Toyota автомобиль ишлаб чиқарувчи компанияси Century моделини тақдим этди, деб хабар берди Моtor Authority.
Автомобиль октябрь ойи охирида Токиода бўлиб ўтадиган халқаро автосалонда расман тақдим этилади. Машина фақатгина Япония ҳудудида сотилади. Унинг салонини жиҳозлашда жун, тери ва ёғоч ишлатилган. Кўнгилочар тизимида 20 та аудио-динамик ва рақамли мультидисплей мавжуд бўлиб, у олд ўриндиқларнинг орқасида жойлашган. Унга V шаклидаги 5 литр ҳажмга эга саккиз цилиндрли бензин двигатели ва электромотор ўрнатилган. Автомобилнинг бошқа техник маълумотлари ҳозирча келтирилмади.
Cеntury модели биринчи бор 1967 йилда пайдо бўлган; у компания асосчиси Сакити Тоёданинг туғилганига 100 йил тўлиши муносабати билан шундай номланган. Автомобилнинг биринчи серияли авлоди 1967 йилдан 1997 йилгача чиқарилган бўлса, иккинчи авлоди 1997 йилдан ҳозирга қадар ишлаб чиқарилмоқда. Century Royal модификацияси Япония императорлик саройи учун махсус ишланган ва ҳукмрон сулоланинг катта аъзолар томонидан фойдаланилади. Century автомобилларига анъанавий равишда Toyota логотипи ёки белгиси ўрнатилмайди. Бунинг ўрнига, машинанинг радиатор панчарасига афсонавий Қақнус қушининг тасвири жойлаштирилади.