Москва вилоятида пенсионер 20 сония ичида 4 та машинанинг дабдаласини чиқарди (видео)

Москва вилоятининг Красногорск шаҳрида кекса йўловчи кўпқаватли уй ҳовлисида 20 сония мобайнида 4 та ЙТҲ содир этишга улгурди. «360» телеканали ҳодисанинг кузатув камералари объективига тушган ёзувларини YouTube’да жойлаштирди, деб хабар беради «РИА Новости».

Видеода ҳайдовчи ортга юргани ва йўлида дуч келган Kia машинасига урилгани, у эса, ўз навбатида, ёнма-ён турган Mercedes билан тўқнашганини кўриш мумкин. Шундан сўнг автомобиль номаълум сабабларга кўра тезлик олиб, уй яқинидаги фургоннинг «тумшуғи»га солади.

Кейин пенсионер ҳовлини айланиб ўтди, қаршисидан чиққан енгил машинани «аяди» ва уй ёнидаги дарахт остида турган автомобилга бориб урилди.

Телеканалнинг видео муаллифларига таяниб маълум қилишича, кекса киши юз берган ҳодисани педалларни алмаштириб қўйгани билан изоҳлади.