Селин Дион ўз концертидан тушган даромадни 1 октябрь куни Лас-Вегасда(Невада штати) Стивен Пэддок томонидан отиб ўлдирилган фуқароларнинг оила аъзоларининг эҳтиёжларига хайрия қилди, деб хабар беради «ТАСС».
Хонанда мазкур шаҳардаги концертларини фожиадан икки кун ўтиб давом эттира бошлади.
«Бугунги кеча ўзига хос», — деди Селин Дион Caesars Palace мажмуасидаги «Колизей» залида мухлисларига қарата.
«1 октябрь, якшанба куни юз берган ақлга сиғмайдиган фожиали ҳодисалардан сўнг биз ўз-ўзимизга бир хил савол билан мурожаат қилмоқдамиз. Даҳшатли ҳодисадан икки кун ўтиб, Селин Дионнинг концертига боришга жазм қила олишингиз ҳақида ўзингиздан сўрамоқдасиз. Мен эса ўзимга ‘Шоуни ўтказишга ўзимда куч топа оламанми’, деган саволни беряпман. Бу саволларга жавоб топиш осон эмас», — дейди хонанда.
У концертини мазкур фожиа қурбонларининг яқинларини қўллаб-қувватлаш мақсадида давом эттираётганини таъкидлади.
«Биз мазкур фожиа оқибатида кўплаб бегуноҳ инсонларни йўқотдик. Бугун биз қурбонларнинг оила аъзоларига шундай оғир вазиятда уларга ёрдам бера олишимизни кўрсатамиз. Улар меҳрга, маънавий таскин ва табиийки, молиявий ёрдамга муҳтож», — деди Селин Дион.
Изоҳ (0)