Тошкентда «Музейлар – бой тарихимиз ва бетакрор маданиятимиз хазинаси» мавзусидаги матбуот анжумани бўлиб ўтди. Маданият вазирлиги хабарига кўра, унда Ўзбекистон музейларининг ютуқ ва камчиликлари, муаммолари муҳокама қилинди.
Музейлардаги долзарб муаммолар орасида катологизация жарёнларининг мураккаблиги, экспонатларни таъмирлаш ишлари бўйича мутахассислар етишмаслиги каби ҳолатлар мавжуд экани таъкидланди.
Жумладан, Хоразм вилояти Ичан-қалъа музейида таъмирлаш устахоналарини очиш зарур, музей биноларининг аксарияти, айниқса, иқлим талаб этувчи экспонатларни сақлаш учун талабга жавоб бермайди.
Музейларда нафақат хориж тажрибасини ўрганиш, балки Ўзбекистон музейларида маҳорат дарсларини ташкил қилиб, тажриба алмашинувни йўлга қўйиш таклифи бир овоздан маъқулланди.
«Музейдаги ҳароратни мувозанатда сақловчи асбоб – электрон психометрни етказиб бериш, музейларга таалуқли йиғилишларда ҳудудий ҳокимлик масъул ходимларининг иштирокини таъминлаш таклифлари берилди», — дейилади вазирлик ахборотида.
Изоҳ (0)