Таниқли япон режиссёри Киёши Куросава юртимизга ташриф буюрди. Кўплаб халқаро совринларга сазовор бўлган фильмлар муаллифи Ўзбекистонда навбатдаги фильмини суратга олиш ниятида. Бу ҳақда Туризмни ривожлантириш давлат қўмитаси матбуот котиби Темур Мирзаев журналист Феруз Муҳаммадга маълум қилди.
Режиссёр бир неча ойдан буён ушбу лойиҳа устида ишлаб, юртимиз билан боғлиқ кўплаб маълумотларни ўрганиб чиқди. Фильмни тасвирга олиш ишларида кўмак бериш бўйича Туризмни ривожлантириш давлат қўмитаси раиси А.Абдуҳакимовга Токио сафари мобайнида билдирган таклифи билан Loaded Films Inc. студияси ижодий гуруҳ юртимизда меҳмон бўлиб туришибди.Фильм сценарийси устида иш олиб бораётган режиссёр жамоаси билан бирга Афросиёб поездида Самарқанд шаҳрига етиб келди. Бу ерда кино сужетига мос жой танлаш, воқеалар ривожини таъминлайдиган объектлар ўрганилди. Режиссёр тарихий бинолардан ташқари оддий аҳоли турмуш тарзи, маданияти ва урфларини диққат билан ўрганиб, сценарийни якунлашда фойдаланади.
Воқеалари сир тутилаётган фильм, икки миллат вакиллари, актёр-акртисалари иштирокида драма жанрида суратга олинади. Айни дамда Бухоро шаҳрида бўлган ижодкорнинг илтимосига биноан, Туризмни ривожлантириш давлат қўмитаси томонидан Хива ва Тошкент вилоятининг тоғли ҳудудларига сафар уйиштирилиши кўзда тутилган.
Темур Мирзаев, Туризмни ривожлантириш давлат қўмитаси матбуот котиби
Изоҳ (0)