Хитойда ўтказилган йирик антикоррупцион кампания давомида сўнгги беш йил ичида қарийб 1,3 миллион нафар мансабдор партия ходимлари жазоланди. Бу ҳақда ХХР Коммунистик партияси марказий комиссиясининг баёнотига таяниб, «РИА Новости» хабар берди.
Хабар берилишича, жазоланганлар орасида асосий қисмни паст лавозимли мансабдорлар ташкил қилиб, улардан 648 минг нафари қишлоқ мансабдорлари ҳисобланади. Улар томонидан содир этилган коррупцион жиноятлар ўта йирик баҳоланмаган.
Асосий тергов ишлари юқори бўлмаган лавозим мансабдорларига нисбатан олиб борилган бир вақтда, сўнгги 5 йилда Хитой коммунистик партиясининг юқори мансабли аъзолари коррупция жиноятлар ва партия интизомини бузганлик учун жавобгарликка тортилган.
Комиссия маълумотларига кўра, сўнгги беш йилда мамлакат бўйича қарийб 155 мингта партия ташкилоти текширувдан ўтказилган. Комиссия тергов учун мансабдорлар жалб қилинган 65 мингдан ортиқ коррупцион ишни суд инстанцияларига оширган.
Коррупцияга қарши кураш бўйича кенг қамровли кампания Си Цзиньпин ХКП (2012 йил ноябрь) ва ХХР раислиги (2013 йил март) лавозмига келгач бошланган.
Изоҳ (0)