Олий ўқув юртларига юқори контракт нархлари бўйича талабаларни қабул қилиш квоталари 10 октябрдан кейин эълон қилинади. Бу ҳақда, Олий ва ўрта махсус таълим вазирлигига таяниб, Uz24 хабар берди.
Низомий номидаги Тошкент Педагогика университети вакиллари квоталар ва контракт суммалари 20 октябрь атрофида эълон қилинишини тасдиқлади.
Ўзбекистон Президентининг қарори билан 2017/2018-ўқув йилидан кириш имтиҳонида етарли балл тўплай олмаганлар юқори контракт баҳолари бўйича ўқишга кириши мумкин бўлади. Қабул квоталари миқдорини махсус комиссия белгилайди.
Қабул абитуриентларнинг тўплаган балли кетма-кетлигига қараб белгиланади. Бунда абитуриент ўтиш баллини (68 баллдан юқори) тўплаган бўлиши ва контрактни тўлаш имконига эга бўлиши талаб этилади.
Изоҳ (0)