Наманган вилоятининг Уйчи тумани ҳокими, халқ депутатлари туман Кенгаши депутати Абдуғани Турдиев туман аҳлига, пахта йиғим-теримидаги барча ҳашарчиларга мурожаат йўллади, деб хабар берди UZ24.
Абдуғани Турдиевнинг сўзларига кўра, ҳозирда Уйчи тумани далаларида 10 минг киши теримда қатнашмоқда. Ҳоким теримчилар сонини 20 минг нафарга етказиш ниятида. Бу туман аҳолисининг ўндан бир қисми демакдир. Шунингдек, Абдуғани Турдиев профилактика инспекторларига ҳам мурожаат йўллаган.
Ҳудудингиздаги ҳар бир хонадонни, унда яшовчи фуқароларни яхши биласиз. Ишонамизки, мавсум давомида туманимиз аҳли пахта ташвиши, юксак хирмон умиди билан яшашини уюшмаган, меҳнатга лаёқатли аҳоли қатламига, опа-сингилларимиз қалбига етказиб, уларнинг теримда оммавий иштирок этишлари, далаларда жасорат кўрсатишларига эриша оласиз...Шу билан бирга туман ҳокими, маҳалла раисларига мурожаат қилиб, 500 тадан кам бўлмаган хонадонни ўз ичига олган ҳар бир маҳалладан камида 200 нафардан ишга яроқли аҳолига ҳамма шароитлари ҳозир-у нозир, иш ҳақи кафолатланган, меҳнатга қўшимча рағбат бериладиган фермер хўжалиги даласида пахта териб топшириш фуқаролик бурчи эканлгини тушунтиришларини сўраган.Абдуғани Турдиев, Уйчи тумани ҳокими
Изоҳ (0)