Астрономлар Қуёш тизимида тўққизинчи сайёра борлигини исботловчи беш далилни келтирди. Бу ҳақда, NASA маълумотларига таяниб, «Корреспондент.net» хабар бермоқда.
Ўтган йил бошида астрономлар Константин Батигин ва Майкл Браун Қуёш тизимидаги тўққизинчи сайёра — Қуёшдан 41 миллиард километр наридаги, Ердан ўн баробар катта вазнга эга Х сайёрасининг борлигини аниқлаганини билдирган эди.
Астрономлар Гавайидаги Subaru телескопи ёрдамида сайёрани қидириш ишларини бошлаб юборди.
«Қуёш тизимининг тўққизинчи сайёраси мавжудлигини исботловчи беш далил бор. У йўқ деб тасаввур қилсак, биз Қуёш тизимининг бу беш ўзига хослигини тушунтириб беришимизга тўғри келади. Бир-бирига боғлиқ бўлмаган ва алоҳида ҳал қилинадиган беш муаммо пайдо бўлади», — маълум қилди Батигин.
Олимларнинг ҳисоб-китобига қараганда, Қуёшгача бўлган масофанинг узоқлиги боис у юлдуз атрофида 15 минг йил ичида бир марта айланади.
Ҳозирча унинг орбитаси аниқланди, аммо, шу билан бирга, унинг мавжудлигига бирор далил йўқ.
Изоҳ (0)