ФХХ Россияда бомба ўрнатилгани ҳақидаги сохта хабарлар ташкилотчиларини аниқлади 

Россияда оммавий эвакуацияларга сабаб бўлган бомба қўйилгани ҳақидаги телефон қўнғироқларини Россиянинг 4 нафар фуқароси хориждан туриб амалга оширган. Бу ҳақда ФХХ директори Александр Бортников маълум қилди, дея хабар беради Meduza.

«Биз уларни аниқладик. Бу осон бўлмади, лекин улар россиялик 4 фуқаро эканлиги ва ҳозирда чет элдалиги аниқ», — деди Бортников.

Гумонланувчилар қайси мамлакатда эканлиги ва уларни қўлга олиш учун қандай чоралар кўрилаётганига аниқлик киритилмади.

ФХХ раҳбарига кўра, «бу одамларнинг мамлакат ҳудудида шериклари бор».