FXX Rossiyada bomba o‘rnatilgani haqidagi soxta xabarlar tashkilotchilarini aniqladi 

Rossiyada ommaviy evakuatsiyalarga sabab bo‘lgan bomba qo‘yilgani haqidagi telefon qo‘ng‘iroqlarini Rossiyaning 4 nafar fuqarosi xorijdan turib amalga oshirgan. Bu haqda FXX direktori Aleksandr Bortnikov ma’lum qildi, deya xabar beradi Meduza.

“Biz ularni aniqladik. Bu oson bo‘lmadi, lekin ular rossiyalik 4 fuqaro ekanligi va hozirda chet eldaligi aniq”, — dedi Bortnikov.

Gumonlanuvchilar qaysi mamlakatda ekanligi va ularni qo‘lga olish uchun qanday choralar ko‘rilayotganiga aniqlik kiritilmadi.

FXX rahbariga ko‘ra, “bu odamlarning mamlakat hududida sheriklari bor”.