2019 йилда жаҳон экранларига чиқарилиши режалаштирилаётган «Форсаж 9» фильмининг премьераси 2020 йилнинг 10 апрель санасига қолдирилди. Бу ҳақда Universal Pictures кинокомпанияси маълумотларига асосланиб AP маълум қилди, деб хабар берди «ТАСС».
Кинокомпания фильмнинг экранларга чиқиш вақти нима сабабдан сурилганига изоҳ бермади. Бироқ жорий йилнинг баҳорида экран юзини кўрган «Форсаж 8» прокатларда 1,2 миллиард доллар тўплаганини маълум қилди.
«Форсаж 8» фильмининг премьераси АҚШда апрель ойининг ўрталарида бўлган эди. Фильм бюджети 290 миллион долларни ташкил этган («Форсаж 7» бюджети 190 миллион доллар эди). «Форсаж»нинг биринчи қисми 2001 йилда ишланган ва аввалига уни давом эттириш режаси бўлмаган. Бироқ 2003 йилда унинг навбатдаги қисми экранларга чиқарилган.
Франшизанинг жаҳон прокатида тўплаган маблағи 5 миллиард доллардан ортиб кетган. Universal Pictures’нинг хабар беришича, режиссёр Феликс Гэри Грейнинг ушбу лентаси Star Wars: The Force Awakens (2015 йил) картинаси томонидан ўрнатилган рекордни янгилаган.
Изоҳ (0)