Брюс Уиллс «Чақилмас ёнғоқ» (Die Hard, 1988 йил) фильмининг олтинчи қисмида яна бир бор полициячи Жон Макклейн ролини ижро этади. Бу ҳақда режиссёр Лен Уайзман Deadline интернет-журналига маълум қилди, деб хабар берди «ТАСС».
Янги «Чақилмас ёнғоқ»нинг асосий жиҳати ундаги воқеалар ривожи франшизанинг бундан олдинги қисмларида тақдим этилган воқеалардан ҳам олдин, ҳам ундан кейин содир бўлади. Режиссёрнинг таъкидлашича, у ёш Макклейн ролига номзод қидириш ишларини бошлаб юборган. Сюжетга кўра, у 1970 йилларда Нью-Йорк полициясида хизмат қилаётган бўлади.
Фильмнинг бешинчи — «Чақилмас ёнғоқ: Ўлиш учун ажойиб кун» қисми АҚШда 67,4 миллион доллар, бошқа мамлакатларда 304,7 миллион доллар тўплаган эди.
2010 йилда Брюс Уиллс Showbiz Spy нашрига фильмнинг олтинчи қисмидан сўнг, полициячи Макклейн билан хайрлашиш нияти борлигини маълум қилган.
«Ҳозирча экранда турли ҳаракатларни бажара оламан. Аммо шундай вақт келадики, бу иш билан шуғуллангим келмай қолади. Ўшанда мен «Чақилмас ёнғоқ» фильмлари билан хайрлашаман», — деган эди Уиллис.
Брюс Уиллис 90 дан ортиқ фильмларда, жумладан, Pulp Fiction, «Бешинчи элемент» (The Fifth Element), «Олтинчи ҳиссиёт» (The Sixth Sense) ва бошқа шу каби машҳурликка эришган картиналарда бош ролни ижро этган. Moonlighting сериалидаги (1985—1989) роли учун «Олтин глобус» мукофотини қўлган киритган.
Изоҳ (0)