Америка президенти Дональд Трамп маъмурияти Конгрессга довуллар натижасида жабрланганларга ёрдам бериш учун 29 миллиард доллар ажратиш бўйича сўровни йўналтиради, деб ёзади «РБК». Бу ҳақда Associated Press’га исм-шарифини ошкор этишни истамаган америкалик мансабдорлар маълум қилган.
Уларнинг сўзларига кўра, ушбу маблағнинг 16 миллиард доллари давлат гуманитар озиқ-овқат дастурига, 13 миллиарди эса — бевосита офат қурбонларига сарфланади.
Озиқ-овқат дастурига пул етишмаяпти, чунки ундан «Харви», «Ирма» ва «Мария» довулларидан азият чекканлар озиқ-овқат олмоқда. Айни вақтда фавқулодда ҳолатлар бўйича АҚШ федерал агентлиги довулдан жабрланганларга ёрдам бериш учун ажратилган маблағни сарфламоқда ва қўшимча молиялаштиришни сўрамоқда.
Оқ уй сўровни Конгрессга 4 октябрь, чоршанба куни расман йўллайди.
Изоҳ (0)