Ўзбекистонлик 400 мингга яқин меҳнат муҳожири Россиядан депортация қилинган ва «қора рўйхат»га киритилган. Бу ҳақда Ташқи меҳнат миграцияси агентлиги раҳбари вазифасини бажарувчи Хўжабаҳлил Асомов маълум қилди, дея хабар беради «1news.uz».
«Ҳозирда агентлик россиялик шериклар билан меҳнат муҳожирларини мазкур ‘қора рўйхат’дан чиқариш ва Россияга киришга тақиқ муддатини камайтириш устида ишламоқда, — деди Асомов.
Асомовга кўра, меҳнат муҳожирларининг депортацияси асосан уларнинг ҳуқуқий маълумотга эга эмаслиги, яъни у ёки бу давлат қонунларини билмаслик туфайли рўй беради.
Агентлик раҳбарининг таъкидлашича, бугунги кунда Россияда ўзбекистонлик 1,5 миллионга яқин меҳнат муҳожири ишлаб турибди. Улардан 60 фоизи 30 ёшгача бўлган ёшлардир.
Изоҳ (0)