АҚШда Шимолий Кореяда 15 йиллик қамоқ жазосига ҳукм этилган америкалик талаба Отто Уормбир вафот этишининг сабаблари юзасидан ўтказилган тиббий экспертизма якунланди. Бу ҳақда Meduza хабар қилди.
Аниқланишича, Уормбирнинг ўлимига сабаб мияга етарли даражада кислороднинг келмаслигидир. Аммо кислород етишмовчилигининг сабаб ўрнатилмади.
Текширув давомида, шунингдек, Уормбирнинг танасидан қийноқ излари топилмади. Коронер Лакшми Саммарконинг сўзларига қараганда, Уормбирга нима бўлгани ҳалигача аниқ эмас ва бу ҳеч қачон аниқланмаслиги ҳам мумкин.
Уормбирнинг ота-онаси телевидение орқали чиққанида ўғли қийноққа солингандай тасаввур уйғотганидан сўнг Саммарко хоним текширув натижаларини ошкор этди. Хусусан, улар фарзандининг тишлари гўёки жағи жиддий жароҳатлангандай кўринганини айтиб ўтган эди. Аммо Саммарко талабанинг тишлари бирор-бир зарарланиш аниқланмаганини таъкидлаб ўтди.
Отто Уормбир 2016 йили КХДРда 15 йилга қамалган эди. У Шимолий Кореяга турист сифатида келган, аммо Пхеньяндаги меҳмонхонада ташвиқий плакатни ўғирлаганликда айбланган эди.
2017 йил 13 июнда Уормбирнинг танаси АҚШга қайтарилди. У вегетатив аҳволда бўлиб, ўзига келмаган ҳолда бир ойдан сўнг вафот этди.
Изоҳ (0)