Россиянинг Санкт-Петербург шаҳридаги мактаблардан бирининг ўқитувчиси 2-синф ўқувчисининг пешонасига «аҳмоқ» («дурак») деб ёзиб қўйди, дея хабар бермоқда TJournal. Воқеа 21 сентябрда юз берган, аммо боланинг ота-онаси бундан 25 сентябрдагина хабар топган.
Педагог аниқлик киритишича, ўқувчи бола синфдошлари билан танаффус чоғида ўйнаб, қўлларига фломастерлар билан чизган. Шунда ўқитувчи ким яна ўзига «татуировка» чизса, пешонасига «аҳмоқ» деб ёзиб қўйишга ваъда берган.
Ҳодисадан хабар топгач, боланинг онаси ўқитувчи билан учрашган ва ваколатли органларга ариза бериб, уни ишдан кеткизишга эришмоқчи бўлган. Аммо бошқа ўқувчиларнинг ота-оналари ўқитувчининг ишдан бўшатилишига қарши чиққан. Унинг «қилмиши»га қарамай, ота-оналар уни яхши педагог ва инсон деб ҳисоблайди ва вазиятни бошқа йўл билан ҳал қилиш мумкинлигига ишонади. Кейинроқ боланинг онаси ишдан ҳайдашни жуда оғир жазо деб ҳисоблашини айтди.
Ўқитувчи ҳамкасблари ва ўқувчиларнинг ота-оналари олдида узр сўради ва «бундай ишга қандай қўл урганини ҳалигача тушуна олмаётгани»ни айтди.
Изоҳ (0)