Ўзбекистон ташқи ишлар вазири Абдулазиз Комилов 27 сентябрь куни Германиянинг янги тайинланган элчиси Гюнтер Оверфельдни қабул қилди. Бу ҳақда вазирлик матбуот хизмати хабар берди.
«Элчи ишонч ёрлиқларининг нусхаларини тақдим этди», — дейилади вазирлик ахборотида.
Суҳбат чоғида Ўзбекистон ва Германия ўртасидаги ҳамкорлик, жумладан «Ўзбекистон—Европа Иттифоқи» шаклидаги алоқалар ҳамда халқаро ва минтақавий ташкилотлар доирасидаги муносабатлар ҳолати ва янада ривожлантириш истиқболлари муҳокама қилинди.
Изоҳ (0)