25 сентябрь куни «Ўзбеккино» миллий агентлигида Италия элчиси Андреа Бертосси билан учрашув бўлиб ўтди. Бу ҳақда агентлик матбуот хизмати хабар бермоқда.
Учрашувда шу йилнинг октябрь ойида Тошкент шаҳрида «Италия киноси кунлари» фестивалини ташкил этиш масалалари муҳокама қилинди. Томонлар мазкур тадбирнинг икки халқ ўртасидаги маданий алоқалар, ўзаро дўстликни янада мустаҳкамлаш йўлидаги аҳамияти ҳақида тўхталди.
Пойтахдаги Алишер Навоий номли киносаройида ўтказилиши режалаштирилаётган мазкур кинофестиваль учун номзод картиналар ҳозирда «Ўзбеккино» мутахассислари томонидан ўрганилмоқда.
Фестиваль санасига кейинроқ аниқлик киритилади.
Изоҳ (0)