Гарри Поттер ҳақидаги китоблар тўпламининг илк нашр этилган нусхаси АҚШдаги аукционда ўзининг дастлабки баҳосидан 5 баравар қимматроққа яъни 81,2 минг долларга сотилди. Бу ҳақда «ТАСС» хабар бермоқда.
Шу тарзда муалиф имзоси бўлмаган бадиий китоб учун аукцион рекорди ўрнатилди.
Ўтган йили ўтказилган аукциондаги рекорд ҳам Гарри Поттер ҳақидаги китобнинг илк нашрига тегишли. Ўшанда китоб учун 60 минг доллар атрофида пул таклиф қилишган эди.
Ёзувчи Жоан Роулингнинг «Гарри Поттер ва фалсафий тош» номли китоблар туркумининг биринчи қисми 1997 йилда Британиянинг Bloomsbury нашриёти томонидан 500 нусхада чоп этилган.
Аукционда иштирок этган китоб ўша йилда тахминан 15 долларга сотиб олинган ва ҳозирги вақтга қадар шахсий коллекцияда сақлаб келинган.
«Биз Гарри Поттер дунёсининг кўплаб ажойиб нарсаларини сотганмиз, бироқ ҳеч қачон рекорд ҳақида ўйламаганмиз», — дейди Даллас шаҳрида бўлиб ўтган аукцион ходими Жеймс Гэннон.
Гарри Поттер ҳақидаги китоблар туркуми 500 миллиондан ортиқ нусхада чоп этилган. Китоб 70 дан ортиқ йилга таржима қилинган. Бутун дунёда мисли кўрилмаган машхурликка эришган китобларнинг сўнгги қисми 2007 йилда ўқувчилар қўлига етиб борди.
Изоҳ (0)